АҚШ президенті Дональд Трамп Аляскадағы келіссөздер сәтті аяқталса, келесі қадам ретінде Украина президенті Владимир Зеленскиймен немесе үшжақты форматта кездесу ұйымдастыруға дайын екенін айтты, деп жазады Alash.KZ.
Бұл мәлімдеме ол Еуропа көшбасшыларымен және Зеленскиймен өткен жабық бейнеконференциядан кейін жасалды.
Reuters дерегінше, жаңа кездесудің орны ретінде Еуропа немесе Таяу Шығыс қалалары қарастырылып жатыр. Канцлер Фридрих Мерц пен Франция президенті Эммануэль Макрон Аляска саммитінің басты мақсаты атысты тоқтату туралы келісім екенін растады. Берлинде өткен баспасөз мәслихатында Зеленский де бұл мәселе саммиттің өзегі болатынын айтты.
Бірақ Путиннің келісімге ниеті жоқ екенін ескертті. Оның сөзінше, егер нәтиже шықпаса, Ресейге қарсы санкциялар күшейтілуі тиіс.
