Достарының қолдарынан аяусыздықпен ажал құшқан Атыраулық Яна Легкодимованың жоғалған мүрдесіне қатысты тың деректер шықты, деп жазады Alash.kz.
22 жастағы Яна 18 қазан күні танысымен кездесуге үйден асығыс шығып кеткен. “Тез келемін” деп ойлаған болар күртешесін де алмапты. Бірақ сол кеткеннен қайта оралмаған. Өмірінің соңғы секнудтарын досының көлігінде өткізген.
Анасы Яна жоғалып кеткен түні іші сезгендей, іссапардан ерте қайтып келген:
Бастапқыда іс тек “жоғалу фактісі” ретінде тіркелді. Бірақ, Янаның күнделігіндегі “Р” деген жазуды байқадық. Көп ұзамай полиция 24 жастағы Р. мен оның 25 жастағы досын ұстады. Тергеу барысында олар қылмысты мойындап, қызды буындырып өлтіріп, денесін Талдыкөл ауылының маңындағы Орал өзеніне тастағандарын айтқан. Қанды қылмыстың себебі әлі күнге дейін жұмбақ.
Іздестіру жұмыстары бірден басталса да, қалың қамыс, батпақ, қатқақ өзен жағасы кедергі болды. Сүңгуірлер, дрондар, иттер, эхолоттар іске қосылды. Қазаннан желтоқсанға дейін нәтиже болмады. Көктемде су деңгейі түскен соң, іздеу қайта жанданды. Мыңдаған шаршы метр барланды. 20 маусым күні, оқиғадан тоғыз ай өткен соң, жағалауда адамның денесі табылды. Сараптама сау-тамтығы қалмаған мүрденің Яна екенін растады.
Енді ең болмаса жерлеуге болады. Мәйітті маған тапсырған соң, қызымды Уральск маңындағы туған жері Чапаевоға апарамын. Бұл қайғы ешқашан кетпейді. Бірақ ең болмағанда бір нүкте қойылғандай. Кінәлілер жазасын алады деп үміттенемін, — деді анасы Галина Легкодимова көзіне жас алып.
