Украина астанасына жасалған жойқын шабуыл тағы да мыңдаған адамның тыныштығын бұзды. Ресей жүздеген дрон мен бірнеше зымыранды ұшырды. Соққының негізгі бағыты Киев болды, деп жазады Alash.kz.
Украина Қарулы күштерінің Әуе күштері хабарлағандай, Ресей Украинаға қарсы жалпы саны 539 дрон мен 11 зымыран ұшырған. Зардап шеккендердің саны 20-дан асқан.
Атап айтқанда:
- 1 аэробаллистикалық Х-47 М2 «Кинжал» зымыраны;
- 6 баллистикалық «Искандер-М» немесе KN-23 зымыраны;
- 4 қанатты «Искандер-К» зымыраны.
Барлығы 8 нысанға 9 зымыран мен 63 дрон дәл тиген. Сонымен қатар 33 жерге зымыран немесе дрон қалдықтары құлағаны тіркелді.
Әуе шабуылына қарсы Украинаның қорғаныс күштері 268 дронды және 2 «Искандер-К» қанатты зымыранын жойып үлгерді.
