Санкт-Петербургте 28 жастағы Қазақстан азаматы Артур Мартыновқа ауыр айыптар тағылып отыр, деп хабарлайды Alash.kz.
Тергеу мәліметінше, Мартыновқа Ресей аумағында бірқатар лаңкестік әрекет жасамақ болғаны үшін теракт жасауға оқталу, тыңшылық, диверсия және терроризмге қолдау көрсету баптары бойынша қылмыстық іс қозғалған.
Отандасымыздың тергеу кезінде анықталған іс-қимылы мынау:
Күдікті Украинаның арнайы қызметінің тапсырмасымен әрекет етіп, ақша үшін Санкт-Петербург пен Ленинград облысындағы энергетикалық және телекоммуникациялық нысандарға шабуыл жасауды көздеген. Ол алдын ала дайындықтан өтіп, өрт қою тәсілдерін меңгерген. Мақсатты нысандардың орналасуын мессенджер арқылы анықтап отырған. 2023 жылдың қыркүйек-қазан айларында Артур Мартынов бірқатар байланыс желілерін және электр жабдықтарын өртеген. Соның ішінде кабель жүйесі мен трансформатор қалқандары зақымдалғаны анықталған.
Қазіргі уақытта тергеу аяқталып, іс материалдары 1-Батыс өңірлік әскери сотына жолданбақ.
