Украина шетелдік қару өндірушілерге соғыс алаңында сынақ жүргізуге мүмкіндік берді, деп хабарлайды Alash.kz ұлттық порталы Reuters ақпараттық порталына сілтеме жасап.
Украинада жаңа «Тест в Украине» атты бағдарлама іске қосылды. Бұл бастама аясында шетелдік қару-жарақ өндірушілерге өздерінің жаңа технологияларын тікелей ұрыс жағдайында сынауға рұқсат беріледі.
Бағдарлама шеңберінде компаниялар өз техникаларын Украинаға жіберіп, оны жауынгерлік жағдайда сынақтан өткізіп қана қоймай, сонымен қатар әскери қызметкерлерді қашықтан оқытып, майдандағы украин сарбаздарынан нақты пікір (фидбек) ала алады.
Сынаққа рұқсат етілген негізгі бағыттар:
- әуе шабуылынан қорғануға арналған жүйелер;
- дрондарды анықтап, жоятын құралдар;
- жасанды интеллектке негізделген технологиялар;
- басқарылатын бомбаларға қарсы жүйелер;
- теңіздегі ұшқышсыз аппараттар,
- радиоэлектрондық қарсы құралдар (РЭБ);
- дәлдігі жоғары, “ақылды” артиллерия.
