Халық арасында “Шімән әже” образымен кеңінен танымал актер Ерболат Төлеген жалған мануалистің құрбаны болды, деп жазады Alash.kz.
Актер өз Instagram парақшасында өзін шырылдатып “емдеп жатқан” видеосын жариялап, халықты ЕМШІСЫМАҚТАРҒА алданбауға шақырған. Дертіне дауа іздеп барып, жарымжан бола жаздаған мануалистің атын атап, ел-жұрт алдында ісін әшкелеген.
Құрметті ағайын!
Сіздерге бір өтінішім бар – осындай жалған емшісымақтарға сенбеңіздерші.
Басында бұл туралы әлеуметтік желіге жазбай-ақ қояйын деп едім. Бірақ амал жоқ, үнсіз қалуға болмайтын жағдай болды. Біздің видеоларымызды рұқсатсыз Instagram-ға салып, “осыларды аяққа тұрғыздым” деп, өзін керемет етіп көрсетіп жүр екен.
Сол кезде “Ойбай, Алматыға бір керемет мануалист келіпті” деп, балалар қоймай, мені ертіп апарған еді. Сөйтсем, бұл адам YouTube-тан 4-5 видео көріп алып, аяқ астынан “емші” болып кеткен екен.
Нағыз ЕМШІСЫМАҚ.
Сол адамға алданып, емделуге бармаңыздар!
Мен өзімнің оң қолымның сіңірін жыртып алдым. Соның салдарынан 2-3 жыл бойы оң қолымды дұрыс жұмыс істете алмай, қатты қиналдым. Қазір енді сол қолымның иығын көтере алмай жүрмін. 4-5 жылдан бері нақты емін таба алмай келем. Плазма терапия да, блокада да көмектеспеді.
Айтарым – жалған емшілерге алданбаңыздар!
ӨТІНІШ.
Есімі – Оңласбек (@onlasbek_manualist).
Қазір мені Instagram-да блокқа қойып тастапты.
Шымкентте “ананы емдедім, мынаны емдедім” деп, әлі күнге дейін алдап жүр екен…
