Шерзат ісі бойынша судья Ержан Жанұзақов оқиға орнында болған Эльмира Нұрбекова, Дана Жақсыгелдіге және сотталғандарға кейін қосылған Юлдаш Рузбакиев, Арлан Қазекеновке қатысты жеке қаулы шығарған болатын, деп жазады Alash.KZ.
Осы орайда, агенттік Алматы облысының прокуратурасына сауал жолдап, қаулы бойынша қандай шара қабылданғанын сұрады.
— Алматы облысының қылмыстық істер жөніндегі мамандандырылған ауданаралық сотының 2025 жылғы 5 маусымдағы жекеше қаулысы қазіргі уақытта заңды күшіне енген жоқ. Өйткені ҚПК 414-бабына сәйкес сот актісіне тараптармен апелляциялық шағым келтірілген. Қылмыстық іс облыстық сотының өндірісінде. Сондықтан жекеше қаулы заңды күшіне енгеннен кейін процестік шешім қабылданады, — деп хабарлады qazaqparat арнасы Алматы облысының прокуратурасына сілтеме беріп.
