Ресей Федералдық қауіпсіздік қызметі (ФСБ) мемлекеттік құпияны білетін азаматтың Қазақстанға қашып кеткенін мәлімдеді. Оқиға Татарстанда тіркелген, деп жазады Alash.kz
Бұрынғы авиация зауытының қызметкері елден шығуға тыйым салынғанына қарамастан, Қазақстан шекарасынан өтіп кеткен. Сәйкесінше, ер адам Ресейдің мемлекеттік құпияларын білетін тұлғалар тізімінде болған.
Қазір ФСБ оған қатысты “мемлекеттік құпияны қорғау талаптарын бұзу” бабы бойынша қылмыстық іс қозғады. Егер кінәсі дәлелденсе, 3 жылға дейін бас бостандығынан айырылуы мүмкін. Ал, егер шетелге құпия ақпаратты алып өткені расталса, жаза мерзімі 7 жылға дейін ұзарады. Тергеу амалдары жүріп жатыр. Ресей жағы қашып кеткен адамның Қазақстанда жасырынуы мүмкін екенін жоққа шығармады.
