Маңғыстау облысына қарасты Ақшұқыр ауылында екі ер адам такси жүргізушісіне шабуыл жасап, оның көлігін айдап кеткен. Оқиға 30 маусым күні кешкі сағат 20:30 шамасында болған, деп хабарлады Alash.KZ өңірлік полиция департаментінің баспасөз қызметіне сүйеніп.
Тергеу мәліметінше, күдіктілер өздерін жолаушы ретінде таныстырып, жолда жүргізушіге күш қолданған. Олар жүргізушіні қауіпсіздік белдігімен қылқындырған, кейін көліктен түсіріп, оның Hyundai Accent маркалы автокөлігімен қашып кеткен.
Күдіктілер полиция қызметкерлері тарапынан жедел ұсталды. Қазіргі таңда оларға қатысты қылмыстық іс қозғалып, екеуі де уақытша ұстау изоляторына қамалды.
Тергеу амалдары жалғасып жатыр.
