Жамбыл облысының экс-әкімі Кәрім Көкірекбаев аса ірі көлемдегі пара алғаны үшін 12 жылға сотталды, деп жазады Alash.KZ.
Алматы облысында алқабилер соты Көкірекбаевты, оның орынбасары Әділет Ахатаевты және мердігер Андрей Поплавскийді кінәлі деп таныды.
Тергеу материалдарына сәйкес, Поплавский жалған орындалған жұмыстар үшін актілерге қол қою мақсатында шенеуніктерге қомақты пара берген.
Мемлекетке келтірілген шығын көлемі – 2 миллиард теңгеге жуық.
• Көкірекбаевқа — 12 жыл
• Ахатаев пен Поплавскийге — 11 жылдан берілді.
Үшеуі де мемлекеттік қызметте жұмыс істеу құқығынан өмір бойына айырылды.
Үкім заңды күшіне енген жоқ.
