Астана қаласының коммуникациялар қызметі 55 мыңнан астам ақпарат көзін — БАҚ-тан бастап Telegram мен Instagram-дағы пікірлерге дейін — мониторинг жүргізуді тапсырған, деп хабарлайды ALASH.kz factcheck.kz-ке сілтеме беріп.
Шамамен 16 миллион теңге тұратын мемлекеттік сатып алуды Күдайбергенов М.С. есімді кәсіпкер ұтып алған. Ол тәулік бойы жарияланымдарды жинап, талдап, олардың ішінде «агрессия» мен «күшейген агрессияны» анықтап, авторлар туралы есеп дайындауы тиіс — жынысы, жасы, өңірі және жазылушылар саны көрсетіледі.
Жүйе суреттер мен мемдердегі мәтіндерді де іздей алады. Сонымен қатар, қандай да бір тұлға немесе оқиға бойынша пікірлер күрт көбейген жағдайда, оны алдын ала байқауға мүмкіндік береді — яғни әлеуетті дауларды ертерек анықтау көзделіп отыр.
factcheck.kz мәліметінше, мұндай мониторинг бұған дейін де жасалған, бірақ бағасы әлдеқайда арзан болған. Бұл жолы шығын айтарлықтай өскен.
