АҚШ алдағы бірнеше күн ішінде Иранға соққы беруі мүмкін. Бұл туралы Bloomberg агенттігі дереккөздерге сілтеме жасап хабарлады, деп хабарлайды ALASH.KZ.
— Израиль мен Иран арасындағы өзара соққылар 13 маусымға қараған түні басталған. Ол кезде Израиль «Халық арыстандай» атты операцияны бастап, Иранның ядролық нысандарына алғашқы соққылар жасады.
— Бұған жауап ретінде Тегеран жүздеген зымыран ұшырды. Осыдан кейін Израильдің авиациясы Иран аумағындағы нысандарға соққыларын жалғастырды.
— Агенттік тілшілерінің пікірінше, Вашингтон Тегеранмен тікелей қақтығысқа кіруге бағытталған инфрақұрылым құруда.
— Дегенмен, АҚШ билігі түпкілікті шешім қабылдаған жоқ.
— Bloomberg дереккөзіне сүйенсек, бірқатар федералдық агенттіктердің жоғары лауазымды тұлғалары шабуылға дайындықты бастап кеткен.
