28 мамыр күні сағат 18:00 шамасында Алматы – Бішкек тас жолында қайғылы жол апаты болды. КамАЗ жүк көлігінен тіркеме ажырап кеткеннен кейін төрт адам қайтыс болды, деп хабарлайды Alash.KZ сайты Orda.kz порталына сілтеп.
Алматы облыстық полиция басқармасының баспасөз қызметінің мәліметінше, жүк көлігін Түркістан облысының тұрғыны басқарған. Қозғалыс кезінде белгісіз себептермен тіркеме ажырап, қарсы бағытқа шығып кеткен. Ол Geely маркалы жеңіл көлікпен соқтығысып, ал Geely инерциямен KIA Sportage көлігіне соғылған.
«Қайғылы оқиға салдарынан оқиға орнында төрт адам қаза тапты. Соның ішінде Geely көлігінің жүргізушісі де бар», — деп хабарлады Алматы облыстық ПД.
Қазір жол апатына қатысты жан-жақты тергеу амалдары жүргізіліп жатыр.
