Естеріңізде болса, осыдан оншақты жыл бұрын "Бала Жамбыл" атанған Жамбыл Дүйсенов есімді ақын бала жұлдыздай жанған болатын. Бірнеше күннен бері аяқ астынан желі қолданушылар сол «Бала Жамбылды» іздей бастады, деп жазады Alash.KZ сайты Ulysmedia.kz порталына сілтеме жасап.
Таудай талабымен талайды таңдандырған Жамбыл Дүйсенұлы зеректігінің арқасында түрлі байқауларда топ жарғаны белгілі. Тіпті, ашық ақпараттарға қарағанда өз қатарластарынан мектепті үш жыл ерте аяқтапты.
Тик-ток қолданушылары жақында “Бала Жамбылға” іздеу жариялап, бұрынғы видеоларын бөлісе бастаған.
Ақын Мұхтар Шахановтың батасын алған бала қазір дардай жігіт болып, АҚШ-та оқып жүр екен. Оның ата-анасына Америкадан жолдаған сәлемі желіге тарады.
Біз қазір тура Нью-Йорктың ортасындамыз. Біз тұрған тайм скверге бүкіл адамдар жиналады. Адамдар жанымызда толып жүр. Бұл өте әдемі, күшті жер, –дейді Жамбыл Дүйсенов туған-туыстарына жолдаған видеосында.
Жас ақынның бұған дейін 3 кітабы жарық көргенін айта кетейік.
