Ел арасында Kalifarniya аталып кеткен әнші Фархат Қалиевтың жаңадан шыққан Almaty әні әлеуметтік желіде сынның астында қалды. Бұл туралы құқық қорғаушы, фембике Әйгерім Құсайынқызы @tilkespekjoq instagram парақшасында талқыға салды, деп жазады Alash.kz.
"Мен балдармен отырғанда, звондап неге мазамды аласың?
Үйге барғасын жазаңды аласың!",
- деп келетін ән жолдарына қатысты Әйгерім Құсайынқызы:
Бұл жолдарда токсик/уытты маскулиндік ашық көрінеді. Ер адам өз кеңістігін бақылаудан тыс аймақ деп жариялап, әйелдің алаңдауын "мазалау", "бақылау" ретінде бағалайды.
- деген пікір білдірді.
Кәсіби мамандардан өзге қарапайым халықтың да ашуын туғызды:
Мәселе мен айтар уәжіміз - әншінің артық кетуінде емес. Бұл кісі осы әннің "зорлыққа үндеу екеніні білуі шарт. бұл жолдарда мәселенің салмағы күлкі, мәнсіз жеңілдік тұр". Сондықтан сынаған орынды.
Threads қолданушысы - Ақнұр Сұлтан
Қауіпті деп танылған әндердің көбеюі патриархалдық бақылауды романтизациялап, әйелді сырт келбеті арқылы бағалауды қалыпты жағдайға айналдырып қана қоймай зорлық пен жазалауды қарым-қатынастағы норма ретінде қабылдауға әкеп соғады. Қазақстанды жыл сайын шамаман 400-ге жуық әйел күйеуінің соққысынан о дүниелік болатынын, 150-дей нәзік жанды мүгедек болып қалатынын ескеріп, мұндай әндердің қоғам үшін қауіпті екенін алға тартты. Хитке айналған әннің сөзі жасөспірімдердің психологиясына әсер ететінін айтып алаңдаушылық білдіргендер де бар.
