Еліміздегі атом энергиясы жөніндегі агенттігінің төрағасы Алмасадам Сәтқалиев жоспарлы салынатын атом электр станциясының болжамды құнын айтты, деп хабарлайды Аlash.kz.
Бұл бағаға қандай қызмет пен жоба жұмысы жататыны туралы баяндады:
Құны техникалық-экономикалық негіздеме бойынша белгілі болады. Бізде қазір вендерлер ұсынған индикативті өлшемдер бар. Қазір ол ұсыныстарын жария ете алмаймыз. Өйткені ресми келісімдермен қорғалған. Жалпы алғанда, әлемдік тәжірибеге сүйенсек, мұндай деңгейдегі станса құны шамамен 14 млрд доллар болады
Сәтқалиев, сондай-ақ, екінші АЭС-ті Қытай салады деген ақпаратқа да тоқталды. Оның түсіндіруінше,
АЭС салумен байланысты әрбір жоба өзінше бірегей. Бәрінің құзыреті, байыпты тәжірибесі бар. «Росатомды» бірінші жобаға таңдап алуымыздың өзіне құрылыстың мерзімі бойынша ұсынған нұсқасымен байланысты болды. Қытай тарабымен келіссөз өткеннен кейін ғана екінші АЭС құрылысы туралы айтуға болатын шығар
Агенттік төрағасы бір атом электр станциясының құрылысы орта есеппен жеті жылға созылатынын да атап өтті. Бұған дейін Атом энергиясы жөніндегі агенттік пен «Росатом» АЭС салуға қатысты жол картасын бекіткен болатын.
