Иранның СІМ басшысы Аббас Арагчи ядролық нысандарға жасалған соққының үлкен зақым келтіргенін растады. Бұл туралы PARANOIA.KZ телеграм-арнасы жазды, деп хабарлайды Alash.kz ұлттық порталы.
Ол МАГАТЭ-мен байланысты үзу туралы заңға қатысты пікір білдірді.
«Ядролық нысандарға қатысты шығынның үлкен және ауқымды екенін айтуым керек. Алайда МАГАТЭ тарапынан тексерістің болу/болмауын тиісті заңмен қарастыруға міндеттіміз», — дейді Арагчи.
Иран СІМ өкілі Эсмаил Багаи де ядролық нысандарға келтірілген шығынды растады . «Біздің ядролық нысандарымызға айтарлықтай зақым келді. Бұл рас», — деді ол Al Jazeeraға берген пікірінде.
