Белгілі композитор Қалдықбек Құрманәлінің қызы Әнару Қалдықбек әлеуметтік желіде өз жанайқайын жариялап, елді дүр сілкіндірді, деп жазады Alash.kz.
Оның айтуынша, ол жеті жыл бойы танымал боксшыдан қорлық көріп келген.
"7 жыл бойы мен осы адамнан қорлық көрдім... Мені барлық жағымнан қорлап, бопсалап, қорқытып ұстап келеді. Жетім деп басыма мінді. Әйелі екіқабат болған екен, мен пәкпін, баламын. Оның үйлі екенін де білмей, сеніп араласқан едім. Сөйтсем, бұл адам әйелі қыз туғаннан кейін, маған көңіл бөліп мені маңайлап жүр екен ғой. Сұмпайы араласа келе қалай оның зорлығына тап болғанымды түсінбей қалдым", – деп жазды Әнару.
Сондай-ақ ол әкесіне әсерлі жазба арнап, өзін қорғауын сұрады.
"Әке, Сізден басқа қорғаным жоқ... Қатты қапалымын, өзімді тастанды және қорғансыз сезініп келемін. 29 жыл бойы... Әке мені қорғаңызшы, тастамаңызшы. Мен әлсізбін... Осындай алаяқтардың жемтігі қылмаңыз мені... Сізден басқа қорғаушым жоқ... Сенерім Алла мен сіз ғанасыз...", – делінген жазбада.
Сонымен бірге ол өзінің қолында көрген қорлықтарын дәлелдейтін суреттер мен видеолар бар екенін жасырмады.
"Менде бұндай суреттер өте көп. Және бір адамнан көрген қорлығымның да суреттері мен видеолары бар... Егер қаласаңыздар осы жерге біртіндеп барлығын шығаратын боламын... Сіздердің қолдауларыңызбен... Бірақ Анамның көзі тірісінде бір тал шашыма да зиян келмеген еді", – деп жазды Әнару Құрманәлі.
