Руслан Өтепбайға Қордайдағы іс жайлы жаңа ақпарат бөлісіп, сапардың оңай болмағанын айтты, деп хабарлайды Alash.kz ұлттық порталы.
Журналист Руслан Өтепбай Қордайдағы 15 жасар қыз бен перзенті үшін шырылдап жүрген анамен сұхбаттасуға барған. Бірақ оқиғаға қатысты ақпаратты желіде жариялауға шектеу қойылған еді.
Руслан Өтепбай бұл журналистік зерттеудің нәтижесі жарияланатынын айтты:
Қордайдағы журналистік зерттеудің нәтижесін бүгін, 19:00-де YouTube арнамнан көре аласыздар!
Жамбыл облысындағы сапар оңай болмады. Тақырып та ауыр, тосқауылдар да көп болды. Сондықтан, сіздерді толық шығарылымды көруге шақырамын. Мұнда көпбаланы ананың зары мен балалық шағы быт-шыт болған қыздың жанайқайын ести аласыздар! - деп жазды журналист.
