Жамбыл облысында азаматтардың несиелерін «жойып беремін» деген сылтаумен жүздеген адамды алдаған ірі алаяқтық ісі бойынша тергеу аяқталды, деп жазды Alash.kz ұлттық порталы.
Бұл туралы Бас прокуратура мәлім етті, деп хабарлады Azattyq Rýhy.
Күдікті – жоғары заңгерлік білімі бар және Жамбыл облыстық заң консультанттары палатасының мүшесі болып саналатын әйел. Оның тұрғындар арасында беделі болған, әсіресе әлеуметтік жағынан әлсіз топтар – әлеуметтік аз қамтылған отбасылар, көпбалалы аналар мен зейнеткерлер оған шексіз сенім артқан.
Салдарынан адамдардың берешегі өсіп, коллекторлардан қысым көріп, банктік шоттары бұғатталып, тіпті мүліктерінен айырылу қаупі туындаған.
184 адам алданып, 100 млн теңгеден астам шығын келтірілді
Тергеу барысында 184 адамның алданып, жалпы шығын көлемі 100 миллион теңгеден асқаны анықталды. Қазіргі уақытта қылмыстық іс сотқа жолданды. Істі облыс прокуроры тікелей бақылауына алған.
