Белгілі ғалым, профессор, ағартушы педагог, қоғам қайраткері Андрей Ахаев жол апатынан көз жұмды. Қаралы хабарды Шығыс Қазақстан облысының әкімі Нұрымбет Сақтағанов мәлім етті, деп жазады Alash.kz ұлттық порталы.
Андрей Ахаев – ШҚО облыстық мәслихатының хатшысы болып ұзақ жылдар бойы қызмет атқарған Василий Ахаевтың ұлы. 
“Жол-көлік апатынан қаза тапқан Андрей Ахаевтың барлық туған-туыстары мен жақындарына Василий Иванович пен Алексей Ахаевқа, қайғыра көңіл айтамын.
Андрей Васильевич – Шығыс Қазақстандағы білім мен ғылымды дамытуға айрықша үлес қосқан көрнекті педагог, ғалым әрі қоғам қайраткері болды.
Әкімшілік тарапынан біз отбасыға қолдау көрсетіп, консулдық арқылы қажетті көмекті көрсету үшін барлық мүмкіндікті жасап жатырмыз.
Бұл кісінің жарқын бейнесі жадымызда мәңгі сақталсын”,- деп жазды облыс әкімі.
