Әлеуметтік желіде өзінің тренд видеоларымен танымал болған мектеп директоры Ақмоншақ Нұртаза оқырмандарын жаңа оқу жылының басталуымен құттықтап, көптің көкейінде жүрген сұраққа жауап берді, деп жазады Alash.kz ұлттық порталы.
Ақмоншақ Нұртаза бүгінде Астанадағы №58 мектеп-гимназиясының директоры ретінде өз жұмысын жалғастырып жатқанын хабарлап, білім ордасында жаз бойы қандай жұмыстар атқарылғанына тоқталды.
“Жазғы уақытта мектеп директоры қандай жұмыстармен айналысады? Менің көп оқырмандарым “Әпке, мектеп не болды?” деп сұрап жатады. Біз де демаламыз. Жылды аяқтап, бәрін тоқтатып, еңбек демалысына шығып, ата-анаммен саяхаттап қайттым.
Ол менің көптен бергі арманым еді.Ал енді содан кейін жазғы жұмыстар тіпті қыза түсті. Жертөле тексеріліп, дайындық жүргізілді. Кабинеттер реттеліп, жөндеу жұмыстары жасалынды. Материалдық база жаңартылды. Қауіпсіздік шаралары да басты назарда.
Сонымен қатар ұстаздарымызбен тимбилдингке шығып, ерекше энергия алмастық. Жазғы лагерьде балалармен қызықты уақыт өткіздік. Бірінші сыныпқа оқушылар қабылдау науқаны да жүргізіліп жатты. Жоспарлар жасалынып, бекітілді.
Жаз да өз мәресіне жетті, достар! Алдағы оқу жылы бәрімізге жемісті, табысты болсын!”,- деп жазды жаңашыл директор.
