Қазақстанның бұрынғы бас көлік прокуроры Мақсат Дүйсеновке іздеу жарияланды. Бұл туралы ҚР Бас прокуратураның құқықтық статистика және арнайы есепке алу жөніндегі порталы хабарлады, деп жазады Alash.kz ұлттық порталы.
Ресми мәліметке сүйенсек, іздестіру ісі 29 тамызда Алматы қаласы Алмалы аудандық полиция басқармасының бастамасымен прокуратура тарапынан тіркелген.
Мақсат Дүйсенов 1973 жылы дүниеге келген.
2013–2014 жылдары ҚР Қауіпсіздік кеңесінің сектор меңгерушісі қызметін атқарды.
2016–2018 жылдары Сыбайлас жемқорлыққа қарсы іс-қимыл ұлттық бюросы басшысының орынбасары болды.
2018 жылғы қаңтардан бастап бас көлік прокурорының бірінші орынбасары қызметін атқарды.
2018 жылғы тамызда Қазақстанның бас көлік прокуроры болып тағайындалып, аталған лауазымды 2019 жылғы сәуірге дейін атқарған.
