Атыраудағы «Ақжайық» резерватындағы өртке қатысты қылмыстық іс қозғалды, деп хабарлайды ALASH.KZ.
Бұл туралы Атырау облыстық мамандандырылған табиғат қорғау прокуроры Мирас Жалмурзин хабарлап отыр.
«Ақжайық» резерватына қатысты қылмыстық кодекстің 203-бабына («Табиғи кешендерді қасақана бүлдіру, жою, өртеу») сай қылмыстық іс қозғалды», — деген ол.
Естеріңізге сала кетейік, Атырау маңындағы «Ақжайық» мемлекеттік табиғи резерватынан өрт шыққан.
Өрт салдарынан Атырауда күйік иісі сезіліп, қаланы көк түтін басқан. Тұрғындар үйде терезе ашу мүмкін болмай қалғанын жазған.
Резерваттағы қамыстың өртелуін Атырау мұнай өңдеу зауытының мұнай қалдықтарын тастауымен байланыстыратындар бар.
Бұған дейін адвокат Нұрлан Жолболов «қамыс қасақана өртелгенін» айтып, әкім Серік Шәпкеновтің отставкаға кетуін талап еткен.
