Бүгін Астанада Перизат Қайрат ісіне қатысты сот отырысы басталды. Сот отырысында Перизат Қайрат өзіне тағылған айыптарға қарсы шығып, бұрынғы «Нұр Отан» партиясы төрағасының бірінші орынбасары Бауыржан Байбектен жауап алуды талап етті, деп жазады Alash.kz ұлттық порталы.
«Айыптау актісінің бірінші абзацынан бастап мені анаммен бірге қор құрды, құрылтайшылардың қолын қолдан жасады деп айыптап отыр. Бірақ бұл қор партия жанында, Байбектің басшылығымен құрылған. Құрылтайшылардың бәрі – партияның қазіргі немесе бұрынғы қызметкерлері. Сондықтан бұл мәселенің басын ашу үшін Бауыржан Байбектің өзінен жауап алынуы керек»,- деді Перизат Қайрат.
