Украина Президенті Владимир Зеленский елді ондаған жыл басқару ниеті жоқ екенін мәлімдеді, деп жазады Аlash.kz ұлттық порталы.
Ол өзін Владимир Путинмен салыстырғысы келмейтінін жеткізді.
Бұл туралы BBC түсірген "Зеленский. Соғыс кезіндегі президенттің портреті" атты деректі фильмде айтылды.
– Мен Путин емеспін. Президент қызметін 30-35 жыл атқаруға ниетім жоқ. Ондай болмайды. Маған сеніңіздер, – деді Зеленский.
Ол үшін ең бастысы – ел алдындағы парызды абыроймен атқарып, ар-намысын сақтап қалу.
– Бұл жұмыс жолынан өтіп, өз-өзіме деген сыйластығымды жоғалтпауым керек. Бұл – мен үшін өте маңызды. Бұл – менің отбасым, балаларым үшін маңызды. Ең бастысы – Украинаға шын ниетпен, қолдан келгеннің бәрін жасап, барынша көмектесу, – деп толықтырды ол.
