Белгілі әнші Сәкен Майғазиев анасы жайлы жан сырын ақтарды, деп жазады Аlash.kz ұлттық порталы.
Оның сөзінше, анасы 88-ге келген, бірақ өзін 94-темін деп айтатын көрінеді.
"Бір нәрсені 5 рет қайталайды, ұмытып қалады. Есте сақтау қабілеті кетіп бара жатыр. Енді шыны керек былтыр әпкемізден айрылған кезде бір үйден кейін анам тұратын. Біз тұрамыз, бізден кейін бір үйден кейін әпкем мен жездем тұрады 5 бала-шағасымен, немерелерімен. Әпкем күніне 2 рет кетпей қоймайтын анама. Бір дәмді тамақ істесе де ала келеді. бала шағалары да нағашы әжелеріне келеді. Сонда жанымдағы жарығым деп отыратын ең үлкен әпкемізді. Ол кісі 1958 жылғы болды әпкеміз", – деді ол.
Сәкен анасының әпкесіне арқа сүйеп үйреніп қалғанын, әпкесі кеткеннен кейін мүлдеп сынып қалғанын айтады.
"Алматыға жүріңіз, кеттік деп әпкем тірі кезде алып кете беретінмін. Қазір енді қызы қайтыс болғанда жүргені несі деген оймен сол күйі қалып қойды. Ары-бері жүрмейді, ешқайда шықпай қалды. Негізі кез-келген ата-аналары тірі адамдарға айтатыным отырғызбау керек. Ары-бері жүргізе беру керек, қыдырту керек, тойға апару керек. Ләйләға сол үшін риза боламын, анасымен бағдарлама түсіріп, ойын біліп. Қазір төселіп қалды, камерадан да сескенбейді. Сен үлгі болып жүрсің. Әке-шешеміз тірі кезде анда-мында апару керек, қыдырту керек. Бүркітке риза болдым, одан кейін Ерке Есмахан өз анасын Төрештің тойына алып келді. Көзі тірісі кезінде Медеу Арынбаев, Дәулет Тұрлыханов, Жеңіс Ысқақованың анасын үйге шақырдым. Көп аналарды үйге шақыруға тырысамын. Сол жүргісі келмей қалды ғой. Былайша айтқанда, өз-өзін тастай салды. Аталатпасаң да, боталатпа деген осы екен", – дейді ол.
