Сара Назарбаеваның қазіргі жағдайы белгілі болды, деп жазады Alash.kz ұлттық порталы.
Белгілі болғандай, Сара Назарбаева Президент Іс басқармасы Медициналық орталығының Ұлттық госпиталінде ем қабылдап жатыр. Бұл туралы Informburo.kz-тің ресми сауалына мекеме әкімшілігі хабарлады.
Сара Назарбаеваның емделіп жатқаны туралы алғаш рет мамыр айында Нұрсұлтан Назарбаевтың баспасөз хатшысы Айдос Үкібай мәлімдеген болатын. Бұл кезде ғаламтор желісінде бұрынғы бірінші ханымның қайтыс болғаны жөнінде расталмаған ақпараттар таралған еді.
«Пациент емдеу курсынан өтіп жатыр. Барлық шаралар бекітілген стандарттарға сәйкес жүргізілуде және білікті мамандардың бақылауында», – делінген ресми жауапта.
Клиника Назарбаеваның диагнозы мен қазіргі жағдайы туралы ақпаратты жария етпеді. Мұны дәрігерлік құпиямен байланыстырып түсіндірді. Мекеме науқастың келісімінсіз мұндай деректерге қол жеткізу мүмкін емес екенін атап өтті.
«Медициналық этика мен кәсіби жауапкершілік қағидаттарына сәйкес, медициналық ұйымдар жеке медициналық деректерді қатаң құпияда сақтау міндетін орындайды. Ақпаратты жарияламау туралы шешім пациенттің заңды құқықтарын, жеке өмірін құрметтеу және емдеу процесіне сырттан араласудан қорғау мақсатында қабылданды», – деді госпиталь өкілдері.
Айта кетейік, Сара Назарбаева биыл ақпанда 84 жас толды.
