Instagram желісінде қазақстандық ер адамның жыланнан сорпа дайындап жатқан сәті түсірілген видео жарияланды, деп хабарлайды Alash.KZ.
Ер адамның айтуынша, ол жыланды емдік мақсатта қайнатып, оған картоп пен сәбіз қосқан. Видеоны түсірген азамат өзін емші ретінде таныстырып, мұндай сорпаны күніне екі рет ішсе, қатерлі ісіктен айығуға болады деп мәлімдеген.
Аталған видео әлеуметтік желіде қызу талқыланып, 100-ден астам пікір жинады. Видеоны түсірген адамның Instagram парақшасында шамамен 300 мың жазылушысы бар.
