Қытайда банкқа жеке өзі келуге мәжбүр болған зейнеткер әйел көз жұмды, деп хабарлайды ALASH.KZ.
Қытайдың Хунань провинциясындағы Чжучжоу қаласында 62 жастағы әйелдің Сельскохозяйственный банк бөлімшесінің жанында қаза табуы қоғамда үлкен резонанс тудырды.
Пэн есімді әйел ұзақ жылдар бойы қант диабетімен ауырған. Жуырда ол құлап, аяғын сындырып, ауруханаға түскен.
Қызы анасының еміне қажет шамамен 7 мың доллар көлеміндегі ақшаны шешіп алғысы келген. Алайда банк шот иесі өзі келмейінше қаражатты беруден бас тартқан.
Ауыр халге қарамастан, туыстары Пэнді арбаға салып, банкке алып келуге мәжбүр болған.
Құжат рәсімдеу үдерісі созылып кеткен, нәтижесінде бір сағаттан кейін әйел банк маңында көз жұмды.
Марқұмның отбасы банк қызметкерлерін ауыр хәлдегі қарт адамды қиын жағдайға итермеледі деп айыптап отыр.
Олардың айтуынша, Пэн өте әлсіз болған, жағдайға әрең реакция білдірген.
Банк өкілдері клиенттің ауыр жағдайынан бейхабар болғандарын айтты.
Қазір полиция бұл оқиғаға байланысты тергеу жүргізіп жатыр.
