Алматы облысында Қаржаубай Нұрымовтың өртеніп кеткен үйінің орнына жаңа баспана салынып жатыр. Бұл туралы отбасының адвокаты Мейірман Шекеев хабарлады, деп жазады Alash.kz ұлттық порталы.
“Қаржаубайдың отбасында енді тек қуаныш болсын!
Асқар есімді азамат Қаржаубайдың үйін салысып жатқанын жариялағысы келмеген. Міне батыр. Деседе халық өз батырын білу керек. Асқар бауырым Алла деніңізге саулық берсін!
Ал Алматы облысы әкімдігі осы құрылысты барынша қадағалап, құжаттарын рәсімдеп , аяғына дейін жеткізіп беруге уәде берді.
Мен үшін уәде - ҚР Азаматтық кодексінің талаптарына сәйкес міндеттеме, ал міндеттемеден бір жақты бас тартуға жол берілмейді. Ол соттағы жауапкершілік.
Көп түкірсе көл демекші, осы орайда @asarume_kz басшысы Асхат мырзағада алғысым шексіз.
Негізі үйге әлі де керек жарақ заттар көп. Газ пеші, перделер, тағысын тағы. Қол ұшын беремін дегендерден бас тартпаймын. Жұмыла көтерген жүк жеңіл”,- деп жазды адвокат.
