Alau.kz редакциясына Қостанай қаласындағы №5 «А» мектеп сыныбының ата-аналары жүгінді.
Олардан кабинет жөндеуіне ақша жинау қажет пе деген сұрақ туындаған. Олар WhatsApp-тағы «ата-аналар» чатының скриншотын да қоса жолдаған, деп хабарлайды ALASH.KZ.
Қостанай қалалық білім бөлімінің баспасөз қызметінен түсініктеме берді.
«Қала білім бөлімінің 2021 жылғы 12 тамыздағы №744 бұйрығына сәйкес, ата-аналардан ақша жинауға қатаң түрде тыйым салынған. Қаладағы білім беру ұйымдарындағы барлық ағымдағы және косметикалық жөндеу жұмыстары, соның ішінде №5 «А» мектептегі де, жан басына шаққандағы қаржыландыру есебінен жүргізіледі. Ата-аналардан ақша жиналды деген сигналға байланысты №5 «А» мектеп әкімшілігімен түсіндіру жұмыстары жүргізілді. Нәтижесінде ата-аналардан қаражат жинау фактісі расталмады. Егер ата-аналардың бірі осы тыйымды бұзу жағдайларын білсе, білім бөліміне тікелей жүгінуді сұраймыз», – делінген білім бөлімінің жауабында.
