Қазақстанның еңбек сіңірген қайраткері Нұрлан Өнербаев «qasqa jol» арнасына берген сұхбатында көшеде баласымен орыс тілінде сөйлесетін ата-аналарға жиіркенішпен қарайтынын айтты, деп жазады Alash.KZ.
«Өзіміздің қазақ азаматтары баласымен шүлдірлеп басқа тілде сөйлеп жатқандары жаныма батады. Өте жиіркенішті жағдай. Өзіміз қазақтың баласы бола тұра, туғаннан бойымызға ананың сүтімен қазақтың тілі дамыса да өзге тілді құп көріп тұрамыз. Өз ұрпағыңа өз ана тіліңде сөйлей алмау деген, біріншіден өз ата-анаңды тәрк ету, өз болмысыңды тәр ету және өз ұлтыңды тәрк ету, яғни бәрін жоққа шығару деген сөз», - дейді ол.
