Әлеуметтік желілерде танымал дінтанушы, теолог және психолог, Астана қаласындағы Ырыскелді қажы атындағы мешітке бас имамы Нұрлан Байжігітұлы қазақ қоғамында етек жайған жат түсініктер мен еліктеушілік туралы пікірін айтты, деп жазады Alash.kz.
YouTube желісіндегі Syrym Itkulov арнасына берген сұхбатында имам қазақ халқының қыз баласына деген ерекше құрметі мен биязы салты туралы әлемдік жаңалықтар мен тарихтан аргумент келтірді:
”Арабтар не істесе, оны істесін. Қазақтың өз жолы бар! Мысалы, кеше Біріккен Араб Әмірліктеріне Американың президенті барған кезде қыздардың биі біраз жерге дейін әңгіме болды. Ол - арабтардың өзінің табиғаты. Бізге үлгі болған - Алла Тағаланың Қасиеті Құраны, Пайғамбарымыздың үмбеті болған ата-бабамыздың қалдырып кеткен салт-санамыз бар. Мен астын сызып айтқым келеді. Қазақ халқы тіпті сонау Пайғамбарымыз Мұхамед с.ғ.с алдындағы дәуірде, Джахилия дәуірі дейміз ғой, яғни сонау надардықтың, дінсіздің белең алған дәуірінде біздің Орта Азияны алар болсақ, түркі халқының қыздарды құрметтей білуі жоғары болған. Қызды тірідей көмбеген елміз біз. Сондықтан, бізге бөтен ел үлгі емес. Бізге араб та, түрік те үлгі емес. Иә, біз көштен қалмаймыз! Технологияның, мәдениеттің озық үлгісін аламыз. Бірақ, біздің өзіміздің өмір сүру салтымыз бен өркениетіміз басқаға үлгі боларлықтай!”
