Ферғана облысының тұрғыны досын айуандықпен өлтіргені үшін 15 жылға бас бостандығынан айырылды, деп хабарлайды ALASH.KZ.
Іс материалдарына сәйкес, Ферғана облысының екі тұрғыны арасында ұзаққа созылған дау туған.
Жәбірленуші досының кесірінен әкімшілік жаза ретінде түзету жұмыстарына тартылған. Осыдан кейін ол кеткен шығынды өтеу үшін одан 150 доллар (76 мың теңге) талап ете бастаған.
Айыпталушы бұл ақшаны бергенімен, көп ұзамай жәбірленуші одан несие қарызын жабу үшін тағы 4 миллион сум (157 мың теңге) талап еткен.
Бұл жағдай ер адамның ашуын туғызып, ол белгісіз сылтаумен досын елсіз жерге апарып, кеуде тұсына бірнеше пышақ жарақатын салған.
Қылмыстың ізін жасыру үшін ол мәйітті өзінің “Лабо” маркалы көлігіне салып, өзімен бірге автокөлік доңғалақтарын, отын және бензин алып шығып, ашық далаға апарып өртеп жіберген.
Сот оны Өзбекстан Қылмыстық кодексінің 97-бабы (Қасақана кісі өлтіру) және 134-бабы (Мәйітті қорлау) бойынша кінәлі деп таныды.
