Әнші Сәкен Майғазиев желіде парақшасында сүйінші жаңалығын жария етті, деп жазады Alash.kz ұлттық порталы.
Өнер иесі өзінің Instagram парақшасында халықаралық «Славян базары» байқауында бас жүлде алған Алмагүл Батталиеваны құттықтап, ақ тілегін арнады.
«Сүйінші! Грант при! Қазақстан! Алмагүл Батталиева Халықаралық «Славян базары» байқауында бас жүлдені қанжығасына байлады! Өте қуаныштымыз! Кеше ғана Алла аузыма салғандай «Мынадай орындаушылық шеберлікпен бас жүлде біздікі болу керек» деп едім. Тағы айтайын, әулиелігім жоқ. Алмашка, әлем мойындаған әнші бол, алтыным! Қазақстанның, Т.Жүргенов атындағы Қазақ Ұлттық өнер академиясының жалауын желбірете бер», - деп жазды Сәкен Майғазиев.
