Экс-президенттің баспасөз хатшысы Сара Назарбаеваның қайтыс болғаны туралы ақпаратты жоққа шығарды, Alash.KZ.
"БАҚ-тан келіп түскен көптеген сұрауларға жауап ретінде Сара Алпысқызы, Қазақстан Республикасының бірінші президенті Нұрсұлтан Назарбаевтың жұбайы ауруханада емделіп жатқанын хабарлаймын. Оның қазасы туралы ақпарат шындыққа жанаспайды", - делінген жазбада.
Оның айтуынша, Сара апа тірі, жағдайы тұрақты және дәрігерлердің ұдайы бақылауында.
Совминканың маңында шоғырланған қарақұрым қауым экс-президенттің күзет қызметі екен. Соңғы күндері Нұрсұлтан Назарбаев зайыбының жағдайын білуіге жиі-жиі келіп кетіп жүрген көрінеді.
Аурухананың алдындағы бүгінгі абыр-сабыр да Назарбаевтың келісімен байланысты болған, деп жазды Әшкере телеграм арнасы.
Айта кетелік, бұған дейін бірқатар БАҚ "Сара Алпысқызы өмірден озды" деген ақпарат таратқан.
