АҚШ президенті Дональд Трамп Ватиканда Украина президенті Владимир Зеленскиймен өткен кездесу сәтті өткенін, ал алдағы бірнеше күнде талқыланған мәселелер бойынша прогресс бола ма, жоқ па — белгілі болатынын айтты, деп хабарлайды ALASH.KZ.
Sky News мәліметінше, журналистер Ақ үй басшысынан ақпан айының соңында Оваль кабинетінде болған жанжалдан кейін олардың қарым-қатынасында өзгерістер бар ма деп сұрады.
“Мен оны сабырлырақ көремін, ол жағдайды түсінеді деп ойлаймын, келісімге келгісі келеді деп ойлаймын”, – деп жауап берді Трамп.
Сонымен бірге, АҚШ президенті Зеленскийдің Қырымнан бас тартуға дайын екенін айтты.
“Алдағы күндері не болатынын көреміз. Қырым туралы менімен сөйлесудің қажеті жоқ, бұл туралы (АҚШ-тың бұрынғы президенттері Барак) Обамамен және (Джо) Байденмен сөйлесіңіздер”, – деді ол.
