Киевтегі АҚШ елшілігі өз азаматтарына алдағы күндері жаппай әуе шабуылы болуы мүмкін екенін ескертті, деп хабарлайды Alash.KZ BAQ.KZ порталына сілтеп.
Дипломатиялық өкілдік өзінің ресми сайтында үндеу жариялады.
Киевтегі АҚШ елшілігі алдағы бірнеше күнде кез келген уақытта болуы мүмкін аса ауқымды әуе шабуылы туралы ақпарат алды, – деп жазады басылым.
Дипломатиялық өкілдік АҚШ азаматтарына «әуе шабуылы туралы ескерту жасалған жағдайда дереу баспана алуға дайын болуға» кеңес берді.
Хабарламада мұндай жағдай орын алған жағдайда жасалатын әрекеттер көрсетіледі.
Әуе шабуылы туралы дабылдан бұрын баспана орындарын анықтаңыз. Ұялы телефоныңызға әуе шабуылы туралы сенімді хабарландыру қолданбасын жүктеп алыңыз... Әуе шабуылы туралы ескерту естілсе, дереу баспана алыңыз. Жаңартулар үшін жергілікті БАҚ-ты қадағалаңыз. Қолыңызда суды, азық-түлікті және дәрі-дәрмекті ұстаңыз, – деп жазылған хабарламада.
Сонымен қатар, америкалықтарға төтенше жағдай орын алған жағдайда Украина шенеуніктері мен шұғыл әрекет ету қызметтерінің нұсқауларын орындауға кеңес беріледі.
Еске салайық, украиналық ұшқышсыз ұшақтар Жеңіс күні қарсаңында Мәскеудің әуе кеңістігін үш күн қатарынан басып алған болатын. Олар Мәскеу әуежайларының жұмысына жаппай кедергі келтірді. Кейбір әуежайлар жабылып, олардың жұмысына қойылған шектеулер жүздеген рейстерге әсер етті.
Сонымен қатар 8 мамырда Ресей президенті Владимир Путиннің Жеңістің 80 жылдығына орай біржақты тәртіпте жариялаған 72 сағаттық атысты тоқтату келісімі күшіне енді.
