Ресейдегі Хабаровск қаласында өткен турнирде Сәкен Бибосынов чемпион атанды, деп хабарлайды Alash.kz.
Қазақстандық боксшы финалда ресейлік Денис Палшинмен қолғап түйістірген. Нәтижесінде қарсыласын 5:0 есебімен жеңіп, аталған турнирдің чемпионы болды.
Сәкен Бибосынов 1992 жылы дүниеге келген. Әлем чемпионатында 2021 жылы алтын алған. 2019 жылы қола жүлдегер болды. 2020 жылы Токио Олимпиадасында үздік үштіктен көрінді.
Сәкен жарақат салдарынан біршама уақыт бокстан қол үзіп алған еді. Соған қарамастан турнир барысында жанкүйер көңілінен шығатын деңгейде жекпе-жек көрсетіп жатыр.
Енді ел құрамасынан Сағындық Тоғамбай (92 келі) Сергей Слободян, Нұрлан Сапарбай (92 келіден жоғары) ресейлік Орудж Мамедовпен шаршы алаңға шығады.
Сондай-ақ аталған турнирде еліміздің әйелдер құрамасынан Айдана Забынбекова (57 келі), Ұлдана Таубай (66 келі), Римма Волосенко (60 келі) күміс жүлдені қанағат тұтты.
