Басы дауға қалған блогер Daricorn баланың отбасынан буллинг үшін кешірім сұрады, деп жазады Alash.kz ұлттық порталы.
Stan.kz мәлімдеуінше, өз парақшасында ата-анасының рұқсатынсыз баламен видео жариялап, дауға қалған танымал блогер Daricorn зардап шеккен баланың отбасынан кешірім сұрап, өз қателігін мойындағанын айтты.
"Көбісі біздің жағдайымыздан хабардар. Бүгін біз кездесіп, бәрін талқыладық.Тағы да бәрінен кешірім сұрағым келеді, бұл біз үшін үлкен сабақ болды. Кішкентай балаларды ересектердің рұқсатынсыз түсіруге, желіге салуға болмайтыны біз үшін ғана емес бүкіл Қазақстанға да сабақ болды деп ойлаймын. Біз барлық жауапкершілікті түсінеміз", - дейді Daricorn.
Айта кетсек, блогер Daricorn кәмелетке толмаған баланы түсіріп, оның пицца деп айтқан сөзіне "пися" деп титр жазып қойғаны үшін сынға қалған. Осыдан кейін мектепте құрдастары оның ұлын мазақтап, буллинг жасаған.
