Қазақстандағы Qurt деген атпен танымал рэпер Дамир Қойшыбаевтың әйелі Аружан Қойшубаева centralmedia24 тілшісіне сұхбат берді. Сұхбатында ұрып-соққаннан кейін түсік тастағанын, сот әрекетіне түсініктеме берді, деп хабарлайды Alash.kz.
Жәбірленуші әлеуметтік желілерде ұрып-соғылғанын айғақтайтын фотосуреттер мен бейнелерді жариялады. Ол музыкант тарапынан тұрмыстық зорлық-зомбылығының құрбаны болғанын айтады.
Астана қаласының полиция департаменті "отбасылық-тұрмыстық қатынастар саласындағы құқыққа қайшы әрекеттер" бойынша іс қозғалды деп мәлімдеді.
Сотта тараптар татуласты.
Алайда, Аружан қысым көргенін айтты:
"Сарыарқа аудандық полиция басқармасы қызметкерлерінің бірі маған қысым көрсетті. Мұның бәрі мен үшін үлкен қаржылық шығынға айналады, көп уақыт пен жүйкені қажет етеді деді. Егер мен ауыр соққылар туралы жазсам, онда Дамирге 2000 АЕК айыппұл салынып, оны отырғызады", - деді ол.
Оның айтуынша, рэпердің ісі жабылып, келесі күні босатылған.
