Қазақстандық танымал әнші Меруерт Түсіпбаева белгілі композитор әрі әнші Заттыбек Көпбосынұлына әзіл-қалжың аралас өкпесін білдірді, деп хабарлайды Alash.kz.
Өнер иесі үш жыл бойы Заттыбектен ән сұрап жүргенін айтып, тіпті облыс әкіміне жүгінуге әзір екенін әлеуметтік желіде жазды.
«Заттыбектен ән сұрағаныма 3 жылға жуықтады. Болмаса, облыс әкіміне үндеу жолдайтын шығармын. Президенттің өзі көмектесе алмады», – деп жазды Меруерт Түсіпбаева.
Желі қолданушылары бұл жазбаны жеңіл әзіл ретінде қабылдап, түрліше пікірлер қалдырды:
«Бұл сұмдық қой! Заттыбектен ресми жауап күтеміз»,
«Қарапайым адам ғой, ешкіммен шаруасы жоқ»,
«Заттыбек, қазақтың ерке қызына ән беріңіз – нағыз мәрттік сол болар еді»,
«Шаш иіскесең, бәрі шешіледі ғой» – деген сияқты қалжың аралас пікірлер желіні жаулады.
