Танымал кәсіпкер және меценат Тұрсын Алагөзов бұрынғы әйелі Ляйсира Маратпен ажырасу жайлы естелігін бөлісті, деп хабарлайды Alash.kz.
Айсәуле Бақытбекке берген сұқбатында Алагөзов 27 жыл бір шаңырақ астында өмір сүрген жұбайымен 46 жасында айырылысқанын айтып, бұл шешім оңайға соқпағанын жеткізді.
"46 жасымда 27 жыл бірге өмір сүрген балаларымның анасымен ажырастым. Қазір біраз уақыт өтіп кетті. Мен оған бұрынғыдай қамқор болып, сүйіспеншілік танытпайтынымды сездім. Дүние-мүліктерді бөліске салып, ажырасу процесін бастадық. Қызым Аминка біздің арамызда делдал болды. Біз компанияның жартысын алып, қалғанын толық береміз деп келістік. Бұрынғы әйелімнің мамандығы – заңгер. Менікі – инженер. Алғаш рет ажырасу процесін бастан өткердік. Мұндай істе тәжірибем жоқ еді. Ол маған: "Үлестің 50 пайызын бересің" деді. Менің түсінігім бойынша, ажырасудың бір бөлігі ретінде компанияның жартысын бердім. Сосын ол: "Сен өзіңдікін бердің, енді маған қалған 50 пайызын заңды түрде бер" деді. Менен осылай кек алмақ болды. Сол кезде тек киім-кешегімді жинап, басқа пәтерге кетіп қалдым", – деді Тұрсын Алагөзов.
Сондай-ақ Тұрсын Алагөзов Айсәуле Бақытбекқызына берген сұқбатында анасы жайлы естеліктерін бөлісіп, көз жасын тыя алмағанын жазған едік.
