Жетісу облысының Қаратал ауданындағы Айтөби ауылдық округіне қарасты Көкпекті ауылы зиянды өнімдерді сатудан біржола бас тартқан елді мекендердің бірі атанды, деп хабарлайды Alash.kz.
Бүгінде облыс көлемінде ішімдік пен темекі өнімдерінен түбегейлі бас тартқан ауылдардың саны сегізге жетіп отыр. Соның ішінде Көкпекті ауылы бұл шешімді төрт жыл бұрын ауыл тұрғындарының ортақ келісімімен қабылдаған. Сол уақыттан бері ауыл дүкендерінде темекі мен алкоголь өнімдері мүлде сатылмайды.
Облыстық полиция департаментінің мәліметінше, бұл бастама өз нәтижесін қысқа мерзімде көрсеткен. Ауылда құқықбұзушылық айтарлықтай азайып, қоғамдық тәртіп пен тыныштық қалыптасқан.
