Алматыдағы Назарбаев Зияткерлік мектебінен (НЗМ) 11-сынып оқушысының оқуынан шығуына байланысты туындаған дау жалғасуда, деп хабарлайды ALASH.KZ Tengrinews.kz сайтына сілтеме жасап.
Не болған?
23 мамыр күні Алматыдағы Назарбаев Зияткерлік мектебінің 11-сынып оқушысы мектептен шығарылды.
Бұған себеп – емтихан кезінде тәртіп бұзғаны және мұғалімді “Ш” әрпінен басталатын ауыр сөзбен қорлағаны болды.
Кешірім сұрауы
Бұл шешім қоғамда үлкен резонанс тудырды. Келесі күні жасөспірім бейнеүндеу жазып, бірнеше рет мұғалімнен кешірім сұрағанын айтты.
Оның пікірінше, мектеп директоры ол туралы жалған ақпаратты мұғалімдер мен ата-аналарға таратып жатыр.
“Мен салдарынан қашпаймын, тәртіптік жазаға, қоғамдық жұмыс істеуге немесе басқа да шараларға дайынмын. Тек маған осы мектепте қалып, білімімді жалғастыруға мүмкіндік берсе екен. Мен бұл оқуды өте жоғары бағалаймын”, – деді оқушы.
