Битцев маньягіне еліктеген 14 жастағы қыз бірнеше баланы өлтіргенін мойындады, деп хабарлайды ALASH.KZ.
Сондай-ақ, жетінші сынып оқушысы Бердянскіде 7 жастағы қызды балғамен ұрып өлтіргенін растады.
Оқушы тергеушілерге кешкі уақытта көшеде бейтаныс кішкентай қызды кездестіргенін айтты.
Қол сөмкесінде балға болған. Ол қызға орман жаққа бірге серуендеуді ұсынған. Жолда үш рет басынан балғамен ұрған.
SHOT басылымының мәліметінше, ұсталған оқушы өзін танымал қылмыскердің жанкүйері ретінде көрсетіп, бұған дейін де бірнеше баланы өлтіргенін айтқан.
Қазір бұл ақпаратты тергеушілер тексеріп жатыр. Қыздың ақыл-есінің дұрыстығына да сараптама жүргізіледі.
Бұған дейін хабарланғандай, күдікті тру-крайм жанрындағы оқиғаларды көп көріп, Мәскеуде қылмыс жасап, қазір өмір бойына сотталған Александр Пичушкинге тәнті болған.
Ол да адамдарды балғамен басынан ұрып өлтірген.
Бала өлімінен кейін жетінші сынып оқушысы Пичушкинді жақсы көретінін жазып кеткен.
