Әзілкеш Тұрсынбек Қабатовтың жұбайы Мөлдір Мұқанова көпшілікке өнер жолындағы жаңа қадамын жария етті, деп Alash.kz ұлттық порталы Skifnews.kz сайтына сілтеме жасап хабарлайды.
Ол Instagram парақшасында Қайрат Нұртаспен бірге ән жазуға дайындалып жатқанын айтып, бұл жаңалығымен оқырмандарын таңғалдырды.
Мөлдір желіде Қайратпен бірге түскен суретін бөлісіп, оқырмандарына былай деп жазды:
"Қайрат Нұртаспен дуэт жазуға дайындалып жатырмын… Иә, сенбей тұрмын. Өмірде түрлі рөлдерде болдым: ана, жар, кәсіпкер… Өнеріммен бөлісетін шақ туды. Сондықтан, сіздердің қолдауларыңыз мен үшін қымбат. Қайрат Нұртас пен Мөлдір Мұқан дуэті қалай болады деп ойлайсыздар? Қандай жанрда болсын деп қалайсыздар? Махаббат па? Әлде өмір туралы ма?
Жүректен шыққан әнді жүрекпен қабылдаңыздар. Күтесіздер ме?" – деп жазды Мөлдір Мұқанова.
Желі қолданушылары продюсердің бұл идеясын қолдап, пікірлерін жарыса жазды:
"Қыпшақтың қызы, мықты жансың! Сынақ келсе, сынба!", "Тағдырларың ұқсас қой, өмір туралы дуэт болғаны дұрыс", "Жұлдызбен жазбадың ба?", "От болайын деп тұр екен ғой", "Асыға күтеміз!".
