Қарағанды қаласының полиция басқармасы бастығының орынбасары жол апатынан қаза тапты, деп хабарлайды ALASH.KZ.
Қарағанды қаласы полиция басқармасы бастығының орынбасары, полиция полковнигі Бекжан Құсайынов 53 жасында жол-көлік оқиғасынан көз жұмды.
Қарағанды облысы Полиция департаментінің баспасөз қызметі хабарлағандай, Бекжан Құсайынов 30 жылдан астам уақытын қоғамдық қауіпсіздік пен заңдылықты қорғауға арнаған.
Ол еңбек жолын 1992 жылы Қарағанды облысы, Қарқаралы ауданының ішкі істер бөлімінде патрульдік қызмет милиционері ретінде бастаған.
«Ол әрдайым жоғары кәсібилігімен, біліктілігімен, адалдығымен және адамдарға деген құрметімен ерекшеленетін. Ол нағыз офицер болатын – антына берік, әділ әрі мейірімді жан еді. Қарағанды облысы Полиция департаментінің басшылығы, Ардагерлер кеңесі және жеке құрам марқұмның туған-туыстарына қайғырып көңіл айтады», – делінген полиция хабарламасында.
