Алматының су жаңа әкімі Дархан Сатыбалды қаладағы жөндеу жұмысын сынап, бордюр мен асфальтты себепсіз ауыстыра беруді тоқтатуды керек деп бұйырды, дейді Alash.KZ сайты Әшкере каналына сілтеме жасап.
Қала басшысы Бостандық ауданындағы бірқатар жобаны тексеру барысында жөндеу жұмысының барысына сын айтты.
Әкім, әсіресе, жарамды жол жиектері мен бүлінбеген асфальтты орынсыз ауыстыруға қарсылық білдірді.
Ол мұндай жұмысқа қыруар қаржының рәсуа болатынын айтып, жауапты мамандарға нақты тапсырма берді.
«Бордюрді немесе тас жолды тек ауыр зақымданған, көзге көрініп тұрған ақауы бар жағдайда ғана ауыстыру керек. Бекерге қаржы шашпай, бюджетті тиімді пайдалануға назар аударыңдар», – деді Дархан Сатыбалды.
Қала басшысының тексеруінен кейін жөндеу жұмысының сапасына, шығынына, қажеттілігіне деген талап күшейе ме?
